Ma'lumotlarni o'chirish

Kanalni gSocial'da uzish

Kanalni tashkilot egasi (Egasi roli) uzadi:

1. gSocial'ga kiring va Kanallar bo'limini oching.
2. Kanal kartasidagi ⋯ menyusidan Uzish bandini tanlang.
3. Ochilgan oynada Uzish tugmasini bosib tasdiqlang.

Shundan so'ng kanalning saqlangan kirish tokeni o'chiriladi (Telegram kanalida bot tokeni ham, ulangan akkaunt seansi ham), izohlar va statistika endi sinxronlanmaydi.

Uzilgan kanalni ro'yxatdan yashirish uchun shu menyuda Ro'yxatdan olib tashlash bandini tanlang. Kanalda chop etilgan postlar va ularning natijalari tashkilot tarixida qoladi.

Ruxsatni platformada bekor qilish

gSocial'ga bergan ruxsatingizni platformaning o'zida ham bekor qilishingiz mumkin. Menyu nomlari ingliz tilidagi interfeys bo'yicha keltirilgan.

• Facebook: Settings & privacy → Settings → Business integrations → gSocial → Remove.
• Instagram: Settings → Website permissions → Apps and websites → gSocial → Remove.
• Google (YouTube): myaccount.google.com/permissions sahifasida gSocial'ni tanlang va Remove access tugmasini bosing.
• X: Settings and privacy → Security and account access → Apps and sessions → Connected apps → gSocial → Revoke app permissions.
• LinkedIn: Settings → Data privacy → Permitted services → gSocial → Remove.
• Telegram: botni kanal administratorlari ro'yxatidan olib tashlang. Kanal Telegram akkaunt orqali ulangan bo'lsa, Telegram → Settings → Devices bo'limida gSocial seansini yakunlang.

Ruxsat bekor qilingach gSocial bu akkauntga post joylay olmaydi va undan ma'lumot ololmaydi. Saqlangan tokenni ham o'chirish uchun kanalni gSocial'da uzing.

Hisob yoki tashkilotni o'chirish

gSocial'da hisob yoki tashkilotni o'zingiz o'chiradigan tugma yo'q: to'liq o'chirish so'rov orqali bajariladi.

So'rovni hisobingizdagi elektron pochta manzilidan contact@gsocial.uz manziliga yuboring.

1. So'rovda nimani o'chirish kerakligini yozing: faqat sizning hisobingizmi yoki butun tashkilotmi (tashkilot nomini ko'rsating). Tashkilot ma'lumotlarini o'chirishni uning egasi so'raydi.
2. Operator so'rov hisob egasidan kelganini tekshiradi.
3. So'rov 30 kun ichida bajariladi va bu haqda sizga xabar beriladi.

Nimalar o'chiriladi

• Hisob o'chirilganda: ism, elektron pochta manzili, parol xeshi, kirish seanslari, tashkilotlardagi a'zolik, shaxsiy bildirishnomalar va push-obunalar.
• Tashkilot o'chirilganda: uning sozlamalari va logotipi, a'zolari va taklifnomalari, postlari va media fayllari, kanallari va ularning tokenlari, izohlar, statistika, AI kaliti, sayt integratsiyasi va audit jurnali.

Nimalar qolishi mumkin

• Platformalarda chop etilgan postlar platformaning o'zida qoladi. Ularni kanalni uzishdan oldin gSocial'da (Postlar → post → O'chirish, platforma imkon bersa) yoki platformaning o'zida o'chiring.
• Platformalardagi izohlar va javoblar platformaning o'zida qoladi.
• Faqat hisobingiz o'chirilsa, tashkilot ishlashda davom etadi: siz tayyorlagan postlar tashkilotda muallifi ko'rsatilmagan holda qoladi, audit jurnalidagi amallaringiz yozuvlari esa tashkilot mavjud ekan saqlanadi.
• Zaxira nusxalar: o'chirilgan ma'lumotlar ma'lumotlar bazasining zaxira nusxalarida 14 kungacha qoladi, keyin avtomatik o'chiriladi.

Aloqa

Operator: GovSocial

Savollar va so'rovlar uchun: contact@gsocial.uz.